Oil Conservation message in AIZWAL

PRESS INFORMATION BUREAU
GOVERNMENT OF INDIA
***
Dated Aizawl, the 31st January, 2005

TUIALHTHEI RENCHEM TURA MIPUITE FUIH THIN TURIN MEDIA UNIT ZAWNG ZAWNGTE
I & B MINISTER IN A NGEN

Pu Jaipal Reddy, Information & Broadcasting Minister chuan a Ministry chhunga thuthar thehdarhtu pawl hrang hrang, Doordarshan leh All India Radio te tuialhthei leh eirawngbawlna gas renchem tura mipuite fuih thin turin a chah a, Oil & Gas Conservation Fortnight (OGF) kharna a renchem kawnga thawk tha chungchuangte hnena lawmman sem pahin he thu hi a sawi a ni. Heng tuialhthei leh gas te hlutzia leh ren taka hman a tulzia mipuite hrilh turin thuthar thehdarhtute hi an pawimawh takzet a, a bik takin Doordarshan leh All India Radio te phei chu ram hmun kiltina an inzar pharh avangin an chanvo a pawimawh zual hle niin a hria. Energy renchem hi khawlkhawm nen a intluk tlan reng avangin hei hi kan India ram laka kan bat mai ni lovin kan khawvel laka kan bat a ni takmeuh a ni, Minister chuan a ti bawk.

Petroleum thilte kan mamawh em em rual hian thawhchhuah lamah erawh kan pachhe hle mai a, kum 15 lo awm tur chhovah phei khi chuan tuna kan hmanral ang reng renga luanraltir kan nih chuan 85% teh meuhvin kan mamawhna te hi a la invawrh chhoh a rinawm hle mai a, chuvang chuan theih ang tawka kan inrenchem hi kan chanvo pawimawh em em a chu a ni ta a ni. Tun hnai maiah khan hei hi mitthla reng chungin Sawrkar chuan NELP round 5-na a huaihawt a. Petroleum Secretary, Pu T.C. Tripathi-a chuan khami hunah khan OGCF hun chhunga campaign ringawt hi a tawk lova, nasa zawka mipuite lama inrenchem tura campaign kan thlak takzet a tul thu a lo sawi ve bawk a ni. Petroleum hmangtu sector zawng zawngte hian Japan mite tihdan hi kan entawn a tha hle a, anni ram khian kum 1974 oil shock harsatna an tawh hnu khan an theihtawp chhuahin tan an lo khawh tawh a nih kha. Hemi avangin PCRA pawhin Japan ram institution te nena thawkdunin energy renchemna kawng hrang hrang ngaihtuah sela tha a ti hle a ni. Hemi tur hian oil sector pualin Rs. vbc 400.00 khawlkhawmin a awm mek nghe nghe a, hetih laiin tuialhthei leh gas renchem tih hian hman tlem kher beiseilo ta ila, amaherawhchu ram ropui siam tura a tangkai thei ang bera kan hman erawh a tul dawn a ni, Pu Tipathi-a chuan a ti. PCRA Executive Director, Pi Leena Mehendale pawhin energy renchem hi duhthlanna mai ni lova kan tih makmawh a a ngaih thu a sawi bawk.

Kum tin Petroleum Conservation Research Association (PCRA) chuan Oil and Gas Conservation Fortnight hi a hmang thin a, training, seminar, workshop, clinic, media campaign te, hmeichhe puala two wheeler rally, naupang puala painting leh essay competition te buatsaihin a hmang thin a, OGCF-2005 chhung ringawt hian thil tihpui nuai khat vel lai neih a ni nghe nghe.

31.1.05